Fast Talk with Boy Abunda
AJ Raval confirms kids with Aljur Abrenica; admits: 'I have five kids'
Photo Inside Page
Photos
Ginulat ng aktres na si AJ Raval ang publiko nang aminin niya ang katotohanan tungkol sa bali-balitang may anak na sila ng boyfriend niyang si Aljur Abrenica.
Sa pagbisita ng aktres sa Fast Talk with Boy Abunda nitong Miyerkules, November 12, deretsahan siyang tinanong ni King of Talk Boy Abunda tungkol dito, “AJ, ang aking katanungan: kayo ba ni Aljur Abrenica ay may dalawa nang anak?”
Sagot ni AJ, “Actually, Tito Boy, lima na po. I have five kids.”
Paglilinaw ni AJ, nagkaroon siya ng isang anak na babae, si Ariana, na seven years old na ngayon; at isang lalaki, si Aaron, na sa kasamaang palad ay pumanaw na, ayon sa aktres. Samantala, meron naman silang tatlong anak ni Aljur, sina Aikena, Junior, at Abraham.
Tinanong din ng batikang host kung bakit ibinabahagi ito ngayon ni AJ, at ang sagot ng aktres, “Gusto ko na po matapos and gusto ko na po magkaroon ng freedom 'yung mga kids.”
Sinang-ayunan din niya si Boy na ayaw na niyang magtago pa, at nilinaw na pinag-isipan niya ng mabuti ang kaniyang desisyon.
Ibinahagi rin ni AJ na maganda ang relasyon ng kaniyang mga anak sa mga anak ni Aljur kay Kylie Padilla, na sina Alas at Axl.
“Okay po sila, naglalaro po sila lagi, and then 'yung panganay ni Aljur, si Alas, very responsible sa mga bunso,” sabi ni AJ.
Nahirapan man si AJ bilang isang young mother, naging malaking tulong naman ang kaniyang pamilya para suportahan siya, at kinaya ang pagiging isang ina.
Matatandaan na sa isang press conference ay naibahagi ng ama ni AJ na si Jeric Raval na meron nang dalawang anak si AJ at Aljur. Sa panayam niya sa September 30 episode ng parehong GMA Afternoon Prime talk show, inamin niyang nadulas lang siya noon.
“Actually, nadulas lang ako noon, e. Doon sa presscon namin, mayroon akong kausap dito. Na-overwhelm lang ako. Parang normal lang na kwentuhan,” pagbabahagi ni Jeric.
Saad pa ng beteranong aktor ay hindi na niya binawi pa ang sinabi dahil ayaw naman niyang magmukha siyang sinungaling.
KILALANIN ANG BEAUTIFUL MILLENNIAL CELEBRITY MOMS SA GALLERY NA ITO:
